(၁၁-၉-၂၀၂၄) ရက်နေ့ နံနက် (၉:၀၀)နာရီ အခန်းအမှတ်(၂၀၂) တိုင်းရင်းဆေးတက္ကသိုလ် တွင် CTME Programme ကျင်းပပြုလုပ်ခဲ့ပါသည်။ ယင်းအစီအစဉ်တွင် သဘာပတိများအဖြစ် တိုင်းရင်းဆေးပညာရပ်ဆိုင်ရာအကြံပေးအဖွဲ့၊ အဖွဲ့ဝင်၊ ဦးမြင့်လွင်၊ ဂုဏ်ထူးဆောင်ပါမောက္ခ ပါမောက္ခမောင်မောင်သက်တို့က ဆောင်ရွက်ပြီး  တိုင်းရင်းဆေးတက္ကသိုလ်၊ အကြောအရိုးအဆစ်ပညာဌာန၊ ကထိက၊ ဒေါ်နိုင်းကီးမြူးမံ က “ Parkinson’s Diseases and Traditional Medicine Treatments in Ayurvedic Medicine ” ခေါင်းစဉ်ဖြင့်လည်းကောင်း၊  နည်းပြ၊ ဒေါ်တိုးတိုးနွယ်က  “လက်ကပ်ဝေဒနာနှင့် အပ်စိုက်ကုထုံး၏ အကျိုးအာနိသင်” ခေါင်းစဉ်ဖြင့်လည်းကောင်း ဟောပြောခဲ့ဆွေးနွေးခဲ့ပါသည်။ 

အခမ်းအနားတွင် တိုင်းရင်းဆေးတက္ကသိုလ်၊ ပါမောက္ခချုပ်၊ ပါမောက္ခဒေါက်တာသိန်းဇော်လင်း၊ ဒုတိယပါမောက္ခချုပ်(စီမံ)၊ ဦးတင့်လွင်၊  ဒုတိယပါမောက္ခချုပ်(သင်ကြား)၊ ပါမောက္ခဌေးလွင်၊ မော်ကွန်းထိန်း၊ ဦးမြင့်အေး၊ တိုင်းရင်းဆေးပညာဦးစီးဌာနမှူး၊ ဒေါ်ခင်ဖြူသက်၊ တိုင်းရင်းဆေးရုံအုပ်ကြီး ဒေါ်မိုးသီတာဝင်း၊ ပါမောက္ခ/ဌာနမှူးများ ၊  မြန်မာနိုင်ငံ တိုင်းရင်းဆေး ဆရာအသင်းမန္တလေး ဒုတိယဥက္ကဋ္ဌ ဦးသင်း၊ နှင့် ကထိက/ဌာနမှူးများ၊ တိုင်းရင်းဆေးနှီးနွယ်ဌာနများမှ ဆရာ/မများ၊ ပြင်ပမှ တိုင်းရင်းဆေးပညာစိတ်ပါဝင်စားသူများ ကျောင်းသား/သူများ တက်ရောက်ခဲ့ရာ တက်ရောက်လာသူများမှ သိလိုသည်များကို မေးမြန်းဆွေးနွေးပီး အစီအစဉ်ကို (၁၂)နာရီ တွင် ပြီးမြောက်ပါသည်။  ၎င်းအခမ်းအနားအစီအစဉ်တွင် ဦးသန့်စင်ထွန်း+ဒေါ်ခိုင်စံပယ်၊ မင်းမြန်မာ တိုင်းရင်းဆေးဝါးထုတ်လုပ်ရေးမိသားစု  ဖြူးမြို့  က ကူညီပံ့ပိုးထားပါသည်။

Hits: 331

(၁၀-၁-၂၀၂၅) ရက်နေ့ နံနက် (၉း၀၀) နာရီ တွင် တိုင်းရင်းဆေးတက္ကသိုလ် မန္တလေး တတိယနှစ် (၅/၂၀၂၄) ကျောင်းသား/သူများ ၏ ဆေးဖက်ဝင်ဆေးပင်များ လေ့လာရှာဖွေရေး ခရီးစဉ်ကို တိုင်းရင်းဆေးတက္ကသိုလ်၊ ပါမောက္ခချုပ် ပါမောက္ခဒေါက်တာသိန်းဇော်လင်း၊ ဒုတိယပါမောက္ခချုပ် (စီမံ) ဦးတင့်လွင်၊ ဒုတိယပါမောက္ခချုပ်(သင်ကြား) ပါမောက္ခဌေးလွင်၊ ဒုတိယညွှန်ကြားရေးမှူး ‌ဒေါက်တာခင်တာရာမြင့်၊ သုတေသနမှူး ‌ဒေါ်မျိုးသီတာအေးနှင့် ကြီးကြပ် ဆရာ/မများ၊ ကျောင်းသား/သူများ (၆၅)ဦးတို့  တိုင်းရင်းဆေးတက္ကသိုလ် ပရဆေးဥယျာဉ်  သို့ သွားရောက်လေ့လာခဲ့ကြပါသည်။

Hits: 345

၂၀၂၅ ခုနှစ် ဇန်နဝါရီလ (၉)ရက်နေ့၊ အခန်းအမှတ်(၁၀၇)၊ နေ့လယ် (၁၂:၀၀) နာရီတွင် တိုင်းရင်းဆေးတက္ကသိုလ် မန္တလေး၌ ၂၀၂၅ ခု ပညာသင်နှစ်တွင် စတင်ဖွင့်လှစ်သည့် မြန်မာ့တိုင်းရင်းဆေးပညာပါရဂူဘွဲ့သင်တန်းအပတ်စဉ် (၁) ဖွင့်ပွဲအခမ်းအနားကျင်းပပြုလုပ်ခဲ့ပါသည်။  ၎င်းအခမ်းအနားတွင် တိုင်းရင်းဆေးပညာဦးစီးဌာနညွှန်ကြားရေးမှူးချုပ်က Zoom Application ဖြင့် တက်ရောက်ကာ အဖွင့်အမှာစကားပြေကြားခြင်း၊ တိုင်းရင်းဆေးတက္ကသိုလ် ပါမောက္ခချုပ်၊ ပါမောက္ခဒေါက်တာသိန်းဇော်လင်းက အမှာစကားပြောကြားခြင်း၊ မော်ကွန်းထိန်းက ဘွဲ့လွန်သင်တန်းဆိုင်ရာ စာမေးပွဲနှင့် သင်တန်းစည်မျဉ်းစည်းကမ်းများအား ရှင်းလင်းပြောကြားခြင်း၊ တိုင်းရင်းဆေးတက္ကသိုလ်ပါမောက္ခချုပ်က တိုင်းရင်းဆေးပညာဦးစီးဌာနညွှန်ကြားရေးမှူးချုပ်ထံ အမှတ်တရလက်ဆောင်ပေးအပ်ပါသည်။ ထို့နောက် တိုင်းရင်းဆေးပညာရပ်ဆိုင်ရာ အကြံပေးအဖွဲ့ (ဥက္ကဋ္ဌ)ကိုယ်စား အဖွဲ့ဝင်တစ်ဦး၊ မြန်မာနိုင်ငံတိုင်းရင်းဆေးကောင်စီ (ဥက္ကဋ္ဌ)၊ မြန်မာနိုင်ငံတိုင်းရင်းဆေးဆရာအသင်း (ဗဟို) (ဒု-ဥက္ကဋ္ဌ-၂)၊ မြန်မာနိုင်ငံတိုင်းရင်းဆေးဝါးလုပ်ငန်းရှင်များအသင်း (ဥက္ကဋ္ဌ)တို့က ပါမောက္ခချုပ်ထံ ဖွင့်ပွဲအမှတ်တရ ပန်းခြင်းများပေးအပ်ခြင်း၊ အမှတ်တရ စုပေါင်းမှတ်တမ်းတင်ရိုက်ကူးကြပါသည်။ အဆိုပါအခမ်းအနားသို့ ပါမောက္ခ/ဌာနမှူးများ၊ တိုင်းဒေသကြီး တိုင်းရင်းဆေးပညာဦးစီးဌာနမှူး၊ ဆေးရုံအုပ်ကြီး၊ ခုတင်(၁၀၀)ဆံ့ သင်ကြားရေးတိုင်းရင်းဆေးရုံ (မန္တလေး)၊ တိုင်းရင်းဆေးဝါးစက်ရုံမှူး၊ ဆရာ၊ ဆရာမများ၊ ဘွဲ့လွန်သင်တန်းသားများတက်ရောက်ကြခဲ့ ကြောင်းသတင်းရရှိပါသည်။

Hits: 334

၂၀၂၄ ခုနှစ် ဒီဇင်ဘာလ (၁၉)ရက်နေ့၊ အခန်းအမှတ်(၁၀၇)၊ နံနက် (၉း၀၀)နာရီ တွင် တိုင်းရင်းဆေးတက္ကသိုလ် မန္တလေး၌ ၂၀၂၄ခု ပညာသင်နှစ် အလုပ်သင်ဆရာ၊ ဆရာမ များ  စာတမ်းဖတ်ပွဲအခမ်းအနား ကို ဒီဇင်ဘာလ(၁၉ ရက် မှ ၂၀)ရက်အထိ ကျင်းပပြုလုပ်ခဲ့ပါသည်။  ၎င်းအခမ်းအနားတွင် သဘာပတိများအဖြစ် တိုင်းရင်းဆေးတက္ကသိုလ် ပါမောက္ခချုပ်၊ ပါမောက္ခဒေါက်တာသိန်းဇော်လင်း နှင့် ဒုတိယပါမောက္ခချုပ်(သင်ကြား) ပါမောက္ခဌေးလွင်တို့က ဆောင်ရွက်ပြီး   ဒုတိယပါမောက္ခချုပ်(စီမံ) ဦးတင့်လွင်၊ မော်ကွန်းထိန်း၊ ပါမောက္ခ/ဌာနမှူးများ၊ ခုတင်(၁၀၀)ဆံ့ သင်ကြားရေးတိုင်းရင်းဆေးရုံ၊ ဆေးရုံအုပ်ကြီးများ၊ စာတမ်းကြီးကြပ်ဆရာ/မများနှင့် အလုပ်သင်ဆရာ/မများ တက်ရောက်ကြခဲ့ပီး  အုပ်စုအလိုက် ဘွဲ့ကြိုသုတေသနစာတမ်း(၉)စောင်အား ဖတ်ကြားတင်သွင်းပြီး ဆုများ အသီးသီးချီးမြှင့်ပေးအပ်ခဲ့ပါသည်။  

Hits: 335