၂၀၂၆ခုနှစ်၊ မေ ၂၁ ရက်နေ့တွင်  မန္တလေးမြို့ တိုင်းရင်းဆေးတက္ကသိုလ်၌ ရက်(၁၀၀) စီမံချက်ပါ ပထမဦးဆုံးအကြိမ် အကောင်အထည်ဖော်ဆောင်ရွက်သည့် အစီအစဉ်များထဲမှ အခြေခံ ဆေးပညာသင်ကြားရေးဆိုင်ရာ အလုပ်ရုံဆွေးနွေးပွဲ (၂၀၂၆) ကို နံနက် (၈း၃၀) နာရီအချိန်၊ တိုင်းရင်းဆေးတက္ကသိုလ် ဧကရာဇ်ခန်းမ၌ ကျင်းပ ခဲ့ပါသည်။  
အဆိုပါ Basic Educational Science Workshop (2026) အခြေခံ ဆေးပညာသင်ကြားရေးဆိုင်ရာ အလုပ်ရုံဆွေးနွေးပွဲ (၂၀၂၆) ဖွင့်ပွဲအခမ်းအနားတွင် တိုင်းရင်းဆေးတက္ကသိုလ် ပါမောက္ခချုပ်၊ ပါမောက္ခဒေါက်တာသိန်းဇော်လင်း၊ ဆေးနှီးနွယ်တက္ကသိုလ်များမှ ပါမောက္ခချုပ်များ၊ တိုင်းရင်းဆေးတက္ကသိုလ်၊ ပါမောက္ခ/ဌာနမှူးများ၊ ဂုဏ်ထူးဆောင် ပါမောက္ခများ၊ ကထိက/ ဌာနမှူးများ နှင့် ဆရာ/မများတက်ရောက်ခဲ့ကြပါသည်။  
၎င်းအလုပ်ရုံဆွေးနွေးပွဲတွင် သင်တန်းသား/သူများအဖြစ် တိုင်းရင်းဆေး တက္ကသိုလ်၊ ခုတင် (၁၀၀) ဆံ့ သင်ကြားရေးတိုင်းရင်းဆေးရုံကြီး (မန္တလေး၊ နေပြည်တော်၊ ရန်ကုန်) မှ ဆရာ/မများ (၃၀) ဦး တက်ရောက်ပြီး သင်တန်းကို (၂၁-၅-၂၀၂၆ရက်မှ၂၂-၅-၂၀၂၆ရက် နေ့) ထိ ကျင်းပပါသည်။

Hits: 15

ကျန်းမာရေးဝန်ကြီးဌာန၊ တိုင်းရင်းဆေးပညာဦးစီးဌာန၊ တိုင်းရင်းဆေးတက္ကသိုလ် မန္တလေး၏ (၁၈) ကြိမ်မြောက်ဘွဲ့နှင်းသဘင်အခမ်းအနားကို ယနေ့ (၇-၃-၂၀၂၆)ရက်နေံ နံနက် (၉:၀၀) နာရီတွင် မန္တလေးတက္ကသိုလ် ဘွဲ့နှင်းသဘင်ခန်းမ၌ ကျင်းပသည်။ ဦးစွာ တိုင်းရင်းဆေးတတက္ကသိုလ်၊ ပါမောက္ခချုပ် ပါမောက္ခဒေါက်တာသိန်းဇော်လင်း၊ ပညာရေးအဖွဲ့ဝင်များနှင့် စီမံခန့်ခွဲရေး အဖွဲ့ဝင်များက ဘွဲ့နှင်းသဘင်စင်မြင့်တွင် နေရာယူကြသည်။

ထို့နောက် ပါမောက္ခချုပ်က ဘွဲ့နှင်းသဘင်ကို ကျင်းပကြောင်း ကြေညာပြီး ဘွဲ့ရမောင်/မယ်များက နဝရတ်ကတိသစ္စာရွတ်ဆိုကြပီးနောက် မြန်မာ့တိုင်းရင်းဆေးပညာ မဟာဘွဲ့၊ မြန်မာ့တိုင်းရင်းဆေးပညာဘွဲ့များအတွက် ကောင်းစွာအောင်မြင် ပေါက်မြောက် ခဲ့ပြီဟု ပညာရေးအဖွဲ့က ကြေညာခြင်းခံရသူ  မြန်မာ့တိုင်းရင်းဆေး ပညာမဟာဘွဲ့ M.M.T.M (Master of Myanmar Traditional Medicine) ဘွဲ့ရရှိသူ (၆)ဦး, မြန်မာ့တိုင်းရင်းဆေးပညာဘွဲ့(ပုံမှန်) B.M.T.M (Bachelor of Myanmar Traditional Medicine) ဘွဲ့ရရှိသူ (၅၂)ဦး နှင့် မြန်မာ့တိုင်းရင်းဆေးပညာဘွဲ့(ပေါင်းကူး) B.M.T.M (Bachelor of Myanmar Traditional Medicine) ဘွဲ့ရရှိသူ (၁၂) ဦး တို့အား တိုင်းရင်းဆေးတက္ကသိုလ်၊ ပါမောက္ခချုပ်၊ ပါမောက္ခ ဒေါက်တာသိန်းဇော်လင်း က ဘွဲ့များ ချီးမြှင့်အပ်နှင်းကာ ဘွဲ့ရရှိသူ စာရင်းကို အတည်ပြုလက်မှတ် ရေးထိုးပေးသည်။

          ထို့နောက် ပါမောက္ခဒေါက်တာသိန်းဇော်လင်းက ဘွဲ့နှင်းသဘင်မိန့်ခွန်းကို ပြောကြားကာ  ဘွဲ့နှင်းသဘင်အခမ်းအနားကို ရုပ်သိမ်းလိုက်သည်။

တိုင်းရင်းဆေးတက္ကသိုလ်၊ မန္တလေးအနေဖြင့် ယခုဘွဲ့နှင်းသဘင်အပါအဝင် ယနေ့ အထိ မွေးထုတ်ပေးလိုက်‌သည့် မြန်မာ့တိုင်းရင်းဆေးပညာမဟာဘွဲ့ (၁၃၃)ဦး၊ မြန်မာ့ တိုင်းရင်းဆေးပညာဘွဲ့ (၁၈၇၅) ဦးတို့ရရှိခဲ့ပြီး အရည်အချင်းပြည့်စုံသည့် မြန်မာ့တိုင်းရင်း ဆေးပညာရှင်ပေါင်း(၂၀၀၈)ဦးတို့ကို မွေးထုတ်ပေးနိုင်ခဲ့ပါသည်။

Hits: 426

ကျန်းမာရေးဝန်ကြီးဌာန၊ တိုင်းရင်းဆေးပညာဦးစီးဌာန၊ တိုင်းရင်းဆေးတက္ကသိုလ် မန္တလေး၏ (၁၈) ကြိမ်မြောက်ဘွဲ့နှင်းသဘင် (အစမ်းနေ့) အခမ်းအနားကို (၆-၃-၂၀၂၆) ရက်နေ့ နံနက် (၉:၀၀) နာရီတွင် မန္တလေးတက္ကသိုလ် ဘွဲ့နှင်းသဘင်ခန်းမ၌ ကျင်းပပါသည်။ 

Hits: 275

၂၀၂၆ခုနှစ် ဇန်နဝါရီလ (၃၀) ရက်နေ့တွင် “တိုင်းရင်းဆေးတက္ကသိုလ် (၂၀၂၅-၂၀၂၆) ပညာသင်နှစ် အတန်းအသီးသီး၏ ထမနဲထိုးပြိုင်ပွဲ အခမ်းအနား”ကို  နေ့လယ် (၁း၀၀)နာရီ အချိန်တွင် ကျင်းပသည်။ 

ယင်းပြိုင်ပွဲတွင် ဒုတိယပါမောက္ခချုပ်(စီမံ) ဒေါက်တာမြင့်မြင့်သန်း၊ မော်ကွန်းထိန်း ဦးမြင့်အေး၊ ပါမောက္ခ/ဌာနမှူးများ၊ ကထိက/ဌာနမှူးများ၊ ဆရာ/မများ၊ Medical Year 1, Medical Year 2, တတိယနှစ်၊ စတုတ္ထနှစ်၊ အလုပ်သင်ဆရာ/မများ ကျောင်းသား/သူများ အဖွဲ့ (၆)ဖွဲ့ပါဝင်ယှဉ်ပြိုင်ကြရာ ဆုများအသီးသီးပေးအပ်ချီးမြှင့်ခဲ့ကြပါသည်။    

Hits: 609