မန္တလေး၊ အောက်တိုဘာလ ၂၉။
တိုင်းရင်းဆေးတက္ကသိုလ် (မန္တလေး)နှင့် အိန္ဒိယနိုင်ငံ ကောင်စစ်ဝန်ချုပ်ရုံးတို့မှ ပူးပေါင်းကျင်းပသည့် 9th Ayurveda Day (၉)ကြိမ်မြောက် အာယုဗေဒနေ့ အထိမ်းအမှတ်အခမ်းအနားကို ယနေ့ နေ့လယ် (၁:၀၀)နာရီအချိန်တွင် တိုင်းရင်းဆေးတက္ကသိုလ်၊ မန္တလေး၌ ကျင်းပရာ အခမ်းအနားသို့ မန္တလေး တိုင်းဒေသကြီး အစိုးရအဖွဲ့ဝန်ကြီးချုပ် ဦးမျိုးအောင်နှင့် ကျန်းမာရေးဝန်ကြီးဌာန ဝန်ကြီး ပါမောက္ခဒေါက်တာသက်ခိုင်ဝင်း၊ အစိုးရအဖွဲ့ဝင်ဝန်ကြီးများ၊ အိန္ဒိယနိုင်ငံကောင်စစ်ဝင်ချုပ်၊ မြန်မာနိုင်ငံဆိုင်ရာအိန္ဒိယသံအမတ်၊ သံရုံး တိုင်းရင်းဆေးပညာဦးစီးဌာန ဒုတိယညွှန်ကြားရေးမှူးချုပ်၊ တိုင်းရင်းဆေးတက္ကသိုလ် ပါမောက္ခချုပ်၊ ပါမောက္ခဒေါက်တာသိန်းဇော်လင်း၊ ဆေးနှင့်နှီးနွယ်တက္ကသိုလ်မှ ပါမောက္ခချုပ်များ၊ တိုင်းရင်းဆေးတက္ကသိုလ် ဂုဏ်ထူးဆောင်ပါမောက္ခများ၊ ဌာနဆိုင်ရာ တာဝန်ရှိသူ များ၊ မြန်မာနိုင်ငံတိုင်းရင်းဆေးကောင်စီ ကောင်စီဥက္ကဋ္ဌ။ တိုင်းရင်းဆေးပညာရပ်ဆိုင်ရာအကြံပေးအဖွဲ့ ဥက္ကဋ္ဌ၊ မြန်မာနိုင်ငံတိုင်းရင်းဆေးဆရာအသင်း ဥက္ကဋ္ဌနှင့် အဖွဲ့ဝင်များ၊ ဆရာ/မများ ဖိတ်ကြားထားသော ဧည့်သည်တော်များ တက်ရောက်ခဲ့ကြပါသည်။ အခမ်းအနားတွင် ထိမ်း အမှတ်အဖြစ် (၂)နိုင်ငံ သင်ကြားရေးနှင့် သုတေသနနယ်ပယ်များတွင် ပူးပေါင်းဆောင်ရွက်သွားမည်ဖြစ်ပါကြောင်း၊ အာယုဗေဒ္ဒ၏အနှစ်သာရဖြစ်တဲ့ လူသားတိုင်းကျန်းမာပျော်ရွှင်ပြီး နှင့် ရောဂါဘယကင်းဝေးရေးပါစေကြောင်း ဆုမွန်ကောင်းတောင်းပါကြောင်းပြောကြားခဲ့ပါသည်။ ဆက်လက်ပီး တိုင်းရင်းဆေးတက္ကသိုလ် ဒုတိယပါမောက္ခချုပ်(သင်ကြားရေး) ပါမောက္ခဌေးလွင် က Myanmar and Ayurveda Medicine နှင့်ပတ်သက်၍လည်ကောင်း၊ ရန်ကုန်မြို့မှ ဒါရိုက်တာ အာစစ်ကူးမာရ်း က Evolution of Ayurveda and importance of Ayurveda in day to day life ခေါင်းစဉ်ဖြင့် ဆွေးနွေးတင်ပြပြီး တိုင်းရင်းဆေးတက္ကသိုလ် ပါမောက္ခချုပ် ပါမောက္ခဒေါက်တာသိန်းဇော်လင်းကို ကျေးဇူးတင်စကားပြောကြားပြီး အခမ်းအနားကို နေ့လယ် (၂:၃၀) နာရီတွင် ပြီးစီးပါသည်။
