ဆိတ်ကွယ်နေသော အသံများ အစီရင်ခံစာနှင့် (၃၇)ကြိမ်မြောက် ကမ္ဘာ့ကုလသမဂ္ဂ မြန်မာနိုင်ငံ လူ့အခွင့်အရေးကာလဖြတ်အလိုက် ဆန်းစစ်သုံးသပ်ခြင်းအကြောင်း အွန်လိုင်းမှ တစ်ဆင့် ရှင်းလင်း
=====================================
၂၀၂၀ ခုနှစ် ဩဂုတ် ၂၇
ကံမြန်မာအဖွဲ့အစည်း Civil Authortue Negotiate Organization-Can-Myanmar မှ ဆိတ်ကွယ်နေသော အသံများ အစီရင်ခံစာနှင့် (၃၇)ကြိမ်မြောက်ကမ္ဘာ့ကုလသမဂ္ဂ မြန်မာနိုင်ငံ လူ့အခွင့်အရေး ကာလဖြတ်အလိုက် ဆန်းစစ်သုံးသပ်ခြင်း (UPR) သို့ ကျား၊ မ၊ အခြား စသည့် ဂျန်ဒါနှင့် ချစ်စိတ်တိမ်းညွှတ်မှု ကွဲပြားသူများ၏ လူ့အခွင့်အရေး အခြေအနေများကို တင်ပြထားရှိမှုများအကြောင်း Online မှတစ်ဆင့် ရှင်းလင်းပွဲကို ဩဂုတ်လ (၂၇)ရက် မွန်းလွဲ ၁ နာရီက မန္တလေး အောင်မြေသာစံမြို့နယ် အိုးဘိုရွှေကျင်ရပ်ကွက်ရှိ တိုင်းရင်းဆေးတက္ကသိုလ်(မန္တလေး) အခန်းအမှတ်(၂၀၂) တွင်ကျင်းပပြုလုပ်ရာ တိုင်းရင်းဆေးတက္ကသိုလ်(မန္တလေး)မှ ပါမောက္ခ/ဌာနမှူး၊ ကထိက/ လက်ထောက်ကထိက ဆရာ/ ဆရာမများ တက်ရောက်ကြသည်။
Online မှ တစ်ဆင့် ရှင်းလင်းပွဲတွင့် C.A.N Myanmar မှ စီမံကိန်းညွှန်ကြားရေးမှူး ဦးကောင်းဇော်ထက်က အရပ်ဘက် မိတ်ဖက်အဖွဲ့အစည်းများမှ တာဝန်ရှိသူများနှင့် တက်ရောက်လာသူများအား မိတ်ဆက်ပေးခြင်း၊ VOICES UNHEARO အကြောင်း မိတ်ဆက်ရှင်းလင်းခြင်း၊ ကမ္ဘာ့ကုလသမဂ္ဂ UPR သို့ မြန်မာနိုင်ငံအတွင်းရှိ လိင်ဝိသေသ/လိင်စိတ်ခံယူဖော်ပြမှု လက္ခဏာ ကွဲပြားသူများ၏ လူ့အခွင့်အရေး အခြေအနေများအကြောင်း တင်သွင်းသည့် စင်ပြိုင်အစီရင်ခံစာအကြောင်း မိတ်ဆက်ရှင်းလင်း တင်ပြပြီး တက်ရောက်လာသူများနှင့် အပြန်အလှန်ဆွေးနွေးမှုများ ပြုကြကြောင်း သိရသည်။
