တိုင်းရင်းဆေးမိသားစု၏ (၄၁)ကြိမ် မြောက် ဝါဆိုသင်္ကန်းဆက်ကပ်လှူဒါန်း
================================

တိုင်းရင်းဆေးမိသားစု၏ (၄၁)ကြိမ်‌မြောက် ဝါဆိုသင်္ကန်း ဆက်ကပ်လှူဒါန်း ပူဇော်ပွဲကို ဩဂုတ်လ(၁၈)ရက်နေ့ နံနက်(၅း၃၀)နာရီက မန္တလေး၊ အောင်မြေသာစံမြို့နယ်၊ အိုးဘိုရွှေကျင်ရပ်ကွက် တိုင်းရင်းဆေးတက္ကသိုလ်(မန္တလေး)၊ အခန်းအမှတ်(၂၀၂) ခန်းမတွင် ကျင်းပပြုလုပ်သည်။
ဝါဆိုသင်္ကန်း ဆက်ကပ်လှူဒါန်းပူဇော်ပွဲသို့ ရွှေကျင်တိုက်မကြီး ကျောင်းတိုက်ဆရာတော် ဘဒ္ဒန္တထုတိဝရ အမှူးပြုသော သံဃာတော် (၅)ပါး ကြွရောက်တော်မူကြပြီး ဆေးဘက်နှီးနွယ် တက္ကသိုလ်များမှ ပါမောက္ခချုပ်များ၊ တိုင်းရင်းဆေးတက္ကသိုလ်(မန္တလေး)မှ ခေတ္တပါမောက္ခချုပ် ပါမောက္ခ ‌ဒေါက်တာသိန်းဇော်လင်း၊ ဒုတိယပါမောက္ခချုပ်(စီမံ) ဦးဝင်းဟန်၊ ဒုတိယပါမောက္ခချုပ်(သင်ကြား) ပါမောက္ခ ဦးဝင်းစိုး၊ တိုင်းရင်းဆေးပညာဦးစီးဌာန၊ မန္တလေးတိုင်းဒေသကြီး ဦးစီးမှူး ဦးစန်းလွင်၊ မန္တလေး ကုတင်(၁၀၀)ဆံ့ သင်ကြားရေးတိုင်းရင်းဆေးရုံအုပ်ကြီး ဒေါ်ခင်နှင်းဝေ၊ တိုင်းရင်းဆေးဝါးထုတ်လုပ်ရေး စက်ရုံမှူး ဦးသန်းထွန်းအောင်၊ မန္တလေးတိုင်းဒေသကြီး တိုင်းရင်းဆေးဆရာအသင်း ဥက္ကဌ ဦးတင်ဝင်းနိုင်၊ တိုင်းရင်းဆေးတက္ကသိုလ်(မန္တလေး)မှ ပါမောက္ခ ဌာနမှူးများ၊ ဆရာ ဆရာမများ တက်ရောက်ကြည်ညိုကြပြီး ဆရာတော် သံဃာတော်များအား ဝါဆိုသင်္ကန်းနှင့် လှူဖွယ်ပစ္စည်းများ ဆက်ကပ်ခြင်းနှင့် အာရုံဆွမ်းဆက်ကပ် ပူဇော်ခြင်းများ ပြုကြပြီး လှူဒါန်းမှုအစုစုအတွက် ရွှေကျင်တိုက်မကျောင်းတိုက် ဆရာတော်က အနုမောဒနာ ရေစက်ချတရားချီးမြှင့်တော်မူခဲ့ကြောင်း သိရသည်။

တိုင်းရင်းဆေးတက္ကသိုလ်(မန္တလေး)၌ #ကမအဝ_COVID19 လမ်းညွှန်ချက်များနှင့်အညီ ကျင်းပပါသည်။

Hits: 2045

တိုင်းရင်းဆေးပညာဦးစီးဌာန၊ ဒုတိယညွှန်ကြားရေးမှူးချုပ်လာရောက်ခြင်း

(၆-၈-၂၀၂၀)ရက်နေ့ နံနက် (၁၀)နာရီ မိနစ် (၃၀) အချိန်တွင် တိုင်းရင်းဆေးတက္ကသိုလ် မန္တလေး အခန်းအမှတ်(၂၀၂) တွင် မြန်မာနိုင်ငံ တိုင်းရင်းဆေးပညာကဏ္ဍ ပိုမို ဖွံ့ဖြိုးတိုးတက်ရေးအတွက် နိုင်ငံတော်အဆင့် အလုပ်ရုံဆွေးနွေးပွဲ WHO workshop plan (2020-2021) National Seminar on the Development of Traditional Medical Education ပြုလုပ်ရန်အတွက် တိုင်းရင်းဆေးပညာဦးစီးဌာန၊ ဒုတိယညွှန်ကြားရေးမှူးချုပ် ဒေါက်တာသံလွင်ထွန်းနှင့် တိုင်းရင်းဆေးပညာအကြံပေးအဖွဲ့, Professor Emeritus များ နှင့် ပါမောက္ခဌာနမှူး / ဌာနတာဝန်ခံများ တက်ရောက်ဆွေးနွေးခဲ့ကြပါသည်။

Hits: 1718

တိုင်းရင်းဆေးတက္ကသိုလ် မန္တလေးသို့ UTMAA တိုင်းရင်းဆေးတက္ကသိုလ် ကျောင်းသား‌‌ဟောင်းအသင်း မှ အသင်း နှစ်ပတ်လည် အထိမ်းအမှတ်အဖြစ် တန်ဖိုး ‌ငွေ (၄၁၄,၀၀၀) ကျပ်
လေးသိန်း တစ်သောင်း လေးထောင်ကျပ် တန်ဖိုးရှိ Projector တစ်လုံးအား ယနေ့ -11-8-2020 ရက်နေ့တွင် လှူဒါန်းမှုကို လက်ခံရယူပြီးပါမောက္ခချုပ် ပါမောက္ခ ဒေါက်တာသိန်းဇော်လင်းမှ ဂုဏ်ပြုမှတ်တမ်းလွှာ ပြန်လည်ပေးအပ်ခဲ့ပါသည်။

Hits: 1684

တိုင်းရင်းဆေးတက္ကသိုလ်ရှိ ဆောက်လုပ်ရေးလုပ်ငန်းများ အချိန်မီ ပြီးစီးရေး
3rd party QC အဖွဲ့ဝင်များ၊ ကုမ္ပဏီတာဝန်ရှိသူများနှင့်
ဆွေးနွေးညှိနှိုင်းပွဲ

Hits: 1439