တိုင်းရင်းဆေးတက္ကသိုလ်၊ ၂၀၂၃ ခုနှစ် မတ်လ (၉) ရက်နေ့ နံနက် (၁၀း၀၀)နာရီအချိန် အခန်းအမှတ်(၁၀၆) တွင် Master Speciality and Ph.D သင်တန်းများ ဖွင့်လှစ်နိုင်ရေး ညှိနှိုင်းအစည်းအဝေးကို ကျင်းပခဲ့ပါသည်၊၊ ယင်းအစည်းအဝေးကို ပါမောက္ခချုပ်၊ ပါမောက္ခဒေါက်တာသိန်းဇော်လင်း၊ တိုင်းရင်းဆေးပညာရပ်ဆိုင်ရာအကြံပေးအဖွဲ့မှ အဖွဲ့ဝင် Professor Emeritus, ဆရာကြီးများ၊ တိုင်းရင်းဆေးတက္ကသိုလ်မှ ဒုတိယပါမောက္ခချုပ်(စီမံ) ဦးဝင်းဟန်နှင့် ပါမောက္ခ/ဌာနမှူးများ၊ မော်ကွန်းထိန်းနှင့် ဘွဲ့လွန်ဌာနမှ ဝန်ထမ်းများ တက်ရောက်ခဲ့ကြပါသည်။ အစီအစဉ်အရ တက်ရောက်လာကြသော ဆရာကြီး/မကြီးများက Master Speciality and Ph.D သင်တန်းများဖွင့်လှစ်နိုင်ရေး ကိစ္စအရပ်ရပ်များကို ဆွေးနွေးခဲ့ကြပီး အစည်းအဝေးကို ညနေ(၃း၀၀)နာရီတွင် ပြီးစီးပါသည်။
